سری نگر: مقبوضہ کشمیر میں بھارتی فوج کی تازہ ریاستی دہشت گردی کی کاروائی میں تین نوجوان شہید ہوگئے ہیں۔

کشمیر میڈٰیا سروس کی رپورٹ کے مطابق بھارت کے زیر قبضہ جموں و کشمیر میں بھارت کی ریاستی دہشت گردی جاری ہے جس کی تازہ کاروائی میں تین نوجوان شہید ہوگئے ہیں۔

رپورٹ کے مطابق دہشت گردی کی تازہ کاروائی ضلع پلوامہ میں کی گئی، بھارتی فوج نے نوجوانوں کو ضلع کے علاقے دربگام میں محاصرے اور تلاشی کی ایک پرتشدد کاروائی کے دوران شہید کیا ہے۔

اس موقع پر قابض انتظامیہ نے علاقے میں انٹرنیٹ سروس بھی معطل کررکھی ہے اور فوجی آپریشن تاحال جاری ہے۔

علاوہ ازیں بھارتی پولیس نے آج سری نگر اور اسلام آباد کے علاقوں میں گھروں میں چھاپوں کے دوران تین نوجوانوں کو گرفتار کیا ہے۔