امریکی سپریم کورٹ نے شہریوں کو عوامی مقامات پر اسلحہ لے جانے کی اجازت  دے دی۔

غیر ملکی خبر رساں ادارے کے مطابق امریکی سپریم کورٹ  نے شہریوں کو اسلحہ لے کر چلنے کے حق میں فیصلہ دے دیا۔

عدالت کی جانب سے ریاست نیویارک کے  ریاستی قانون کو کالعدم قرار دیتے ہوئے شہریوں کو عوامی مقامات پر بھی اسلحہ لے کر چلنے کی اجازت دے دی گئی۔

سپریم کورٹ نے اپنے فیصلے میں کہا کہ امریکی آئین اسلحہ رکھنے اور عوام میں لے جانے کے حق کی ضمانت دیتا ہے۔

واضح رہے کہ امریکا میں فائرنگ کے بڑھتے واقعات کے بعد سے کے اسلحہ رکھنے کے اختیارات کو محدود کرنے کا مطالبہ کیا جارہا تھا۔

سپریم کورٹ کا یہ فیصلہ بھی ایسے وقت سامنے آیا ہے جب امریکا میں  رواں ماہ ہی فائرنگ کے واقعے میں کم از کم 12 افراد ہلاک ہوگئے تھے۔

گن وائلنس کے حوالے سے معلومات اکٹھا کرنے والی ایک نجی امریکی ایب سائٹ کے مطابق سنہ 2013 سے اب تک فائرنگ کے مختلف واقعات میں 20 ہزار سےزائد افراد ہلاک ہوچکے ہیں۔