اٹلی میں برفانی تودہ گرنے 5 کوہ پیما ہلاک جبکہ 8 زخمی ہوگئے ہیں۔

خبر ایجنسی کے مطابق اٹلی کے پہاڑی سلسلے ڈولومائٹس کی سب سے بڑی چوٹی مارمولڈا پر 10 ڈگری سیلسیس کے ریکارڈ ترین درجہ حرارت کے ایک دن بعد گلیشیر گرنے سے 5 افراد ہلاک اور 8 زخمی ہوگئے۔

رپورٹ کے مطابق برفانی تودے کے ساتھ بڑے پہاڑی پتھر بھی گرے، کوہ پیما کی ٹیم مزید اوپر جانے کی تیاری کر رہی تھی اس وقت برفانی تودا نے کوہ پیماؤ کو اپنی لپیٹ میں لے لیا۔

Il momento del crollo della colonna di ghiaccio sulla #Marmolada pic.twitter.com/DRWH6P57rR

Advertisement

— Agenzia Nova (@agenzia_nova) July 3, 2022

ایک زخمی کوہ پیما کو تشویش ناک حالت میں ٹریوسر منتقل کیا گیا جب کہ 5 زخمی ٹرینٹو اور دو زخمیوں کو بیلونو کے اسپتال منتقل کیا گیا۔

یاد رہے کہ ابھی تک یہ واضح نہیں ہوسکا ہے کہ برفانی تودا گرنے کے وقت وہاں کتنے کوہ پیما موجود تھے۔

دوسری جانب امدادی کارروائی جاری ہے جس میں ہیلی کاپٹرز اور سراغ لگانے والے  کتے بھی شامل ہے۔

سوشل میڈیا میں گردش کرتی ہوئی ویڈیو میں دیکھا جاسکتا ہے کہ برف، پتھر اور مٹی کے مرکب پر مبنی تودہ پہاڑ سے نیچے گرنے کے دوران راستے میں آنے والی تمام چیزوں کو تہس نہس کردیا۔

خیال رہے کہ اقوام متحدہ کے بین الحکومتی پینل آن کلائمیٹ چینج کی ایک رپورٹ کے مطابق گلیشیرز کا پگھلنا 10 بڑے خطرات میں سے ایک ہے جو گلوبل وارمنگ، ماحولیاتی نظام اور بنیادی ڈھانچے کو درہم برہم کرنے کی وجہ سے پیدا ہوتا ہے۔