وزارت حج و عمرہ نے بیرون ملک سے آنے والے عمرہ زائرین کے لیے درخواستوں کی وصولی کا آغاز آج سے کردیا ہے۔

سعودی عرب کی وزارت حج وعمرہ کا کہنا ہے کہ بیرون مملکت سے آنے والے عمرہ زائرین کے لیے درخواستوں کی وصولی کا آغاز آج بروز جمعرات 14 جولائی سے کیا جا رہا ہے جبکہ اندرون اور بیرون ممالک کے زائرین 30 جولائی سے عمرہ کی سعادت حاصل کر سکیں گے۔

ان کا کہنا تھا کہ سعودی شہریوں سمیت اقامہ ہولڈرز اعتمرنا موبائل ایپ سے عمرہ پرمٹ حاصل کر سکتے ہیں تاہم اندرون اور بیرون ممالک سے آنے والے زائرین 30 جولائی سے عمرہ کی سعادت حاصل کر سکیں گے۔

وزارت حج و عمرہ کا مزید کہنا تھا کہ پانچ سال سے زائد عمر کے بچوں کو بھی عمرہ کی اجازت ہوگی تاہم مسجد نبویؐ میں ریاض الجنہ میں نوافل کی ادائیگی کے لئے بھی پرمٹ حاصل کرنا لازمی قرار دیا گیا ہے۔