یورپ میں منکی پاکس وباء سے پہلی ہلاکت سامنے آگئی۔

برطانوی میڈیا کی رپورٹ کے مطابق منکی پاکس میں مبتلا برازیل سے تعلق رکھنے والا 41 سالہ  شخص  اسپین میں ہلاک ہوگیا ۔

اس سے قبل منکی پاکس سے برطانیہ میں ہلاکت رپورٹ ہوئی تھی جبکہ یورپ میں یہ پہلی ہلاکت ہے۔

اس حوالے سے برازیل کی وزارت صحت کا کہنا ہے کہ  منکی پاکس سے ہلاک ہونے والے مریض کی قوت مدافعت کمزور تھی اور وہ پہلے بھی دیگر بیماریوں میں مبتلا تھا۔

واضح رہے کہ گزشتہ ہفتے منکی پاکس کے بڑھتے کیسز کو دیکھتے ہوئے عالمی ادارہ صحت نے اسے عالمی صحت ایمرجنسی قرار دیا تھا۔

عالمی ادارہ صحت کا کہنا ہے کہ منکی پاکس انفیکشن کی علامات ہلکی ہیں اور اس کے عام آبادی  میں پھیلنے کے امکانات کسی حد تک کم ہیں۔