امریکا میں تقربباً ایک دہائی کے بعد پولیو کا پہلا کیس سامنے آیا ہے۔

امریکی میڈیا کے مطابق مین ہٹن کے شمال میں راک لینڈ کاؤنٹی میں پولیو کا کیس رپورٹ ہوا ہے۔

امریکا کی پبلک ہیلتھ کمشنز کا کہنا ہے کہ صورتحال کو مانیٹر کیا جارہا ہے ساتھ ہی یہ بھی جاننے کی کوشش کی جارہی ہے کہ یہ کیس کیسے ہوا۔

پبلک ہیلتھ حکام نے کہا کہ راک لینڈ میں صحت کی دیکھ بھال فراہم کرنے والوں کو مزید کیسز کی تلاش میں رہنے کا حکم دیا اور علاقے کے لوگوں کو زور دیا کہ جنہوں نے پولیو ویکسین نہیں لگائی گئی ہے وہ جلد از جلد شاٹ لیں۔

امریکی حکام کے مطابق یہ کیس ایک ایسے فرد کی طرف سے ٹرانسمیشن چین کا اشارہ ہے جس نے اورل پولیو ویکسین لی تھی اور یہ ویکسین 2000 میں امریکا میں بند کر دی گئی تھی۔

واضح رہے کہ امریکا میں آخری بار 2013 میں پولیو کا کیس رپورٹ کیا گیا تھا۔