برطانیہ کی ملکہ الزبتھ دوئم کے تابوت اور قبر سے متعلق بڑے انکشافات سامنے آ گئے ہیں۔

ملکہ برطانیہ کیلئے شاہی تابوت تیار کیا گیا ہے جبکہ اُن کے آخری سفر کی تیاریاں کئی برسوں سے جاری تھیں۔

بلوط کا یہ درخت برطانیہ کے مشہور ترین درختوں میں سے ایک ہے، یہ لکڑی آج کل بہت نایاب ہے، تابوت کو سیسہ سے تراشہ گیا ہے جس کی بدولت تابوت کو دفنانے کے بعد لاش زیادہ دیر تک محفوظ رہتی ہے۔

سیسے کی مدد سے بنایا گیا تابوت، نمی اور ہوا کو اندر جانے سے روکتا ہے لیکن سیسے کی موجودگی کی وجہ سے تابوت کے وزن میں اضافہ ہوجاتا ہے۔

اس تابوت کو مخصوص کاریگروں نے تیار کیا ہے اور تابوت پر پیتل کے کڑے بھی لگائے گئے ہیں جبکہ اس پر رکھا سامان بھی محفوظ رہتا ہے اور اس تابوت کو 8 لوگ مل کر اٹھائیں گے۔

ملکہ برطانیہ کا تابوت چار روز تک ویسٹ منسٹر ہال میں رہے گا، ملکہ کو خراجِ عقیدت پیش کرنے کے لیے برطانوی فوج نے پریڈ کی جبکہ ہائیڈ پارک میں توپوں کی سلامی بھی پیش کی گئی۔

دعائیہ تقریب میں شاہ چارلس سوم اور شاہی خاندان کے دیگر افراد نے شرکت کی،  ملکہ کی آخری رسومات 19 ستمبر کو مکمل ہوں گی۔

ملکہ الزبتھ کے آخری دیدار کے لیے ہزاروں افراد ویسٹ منسٹر کے باہر طویل قطار بنائے ہوئے ہیں۔

ملکہ الزبتھ دوم کی تدفین کا فیصلہ کنگ جارج ششم چرچ کی لابی میں کرنے کا فیصلہ کیا گیا ہے، یہ یادگار سینٹ جارج چرچ کا حصہ ہے۔

واضح رہے کہ ملکہ برطانیہ الزبتھ دوم 96 برس کی عمر میں انتقال کرگئیں تھی۔