پاکستانی سیلاب زدگان کیلئے عطیات جمع کرنے کے متعلق امام کعبہ عبدالرحمٰن السدیس کی جانب سے اہم بیان جاری کیا گیا ہے۔

امام کعبہ عبدالرحمٰن السدیس نے اپنے پیغام میں کہا ہے کہ سعودی قیادت نے ہمیشہ مسلم ممالک کی مشکل وقت میں مدد کی ہے۔

انہوں نے کہا کہ پاکستانی ہمارے دینی بھائی ہیں اور ان کے ساتھ ہمارے گہرے تاریخی مراسم بھی ہیں۔

انہوں نے مزید کہا کہ پاکستانی سیلاب زدگان کے لئے عطیات جمع کرنے کی منظوری دینا خادم الحرمین الشریفین کا احسن اقدام ہے اور دینی فریضہ بھی ہے۔

امام کعبہ عبدالرحمٰن السدیس نے اپنے پیغام میں اس بات پر زور دیا ہے کہ سعودی شہریوں سمیت تمام غیر ملکی سیلاب زدگان کی مدد کو یقینی بنائیں۔