اوٹاوا: کینیڈا کے شہر مسی ساگا میں دیوالی کی تقریبات جاری تھیں کہ بھارتی تارکین وطن آپس میں لڑپڑے جب کہ اس موقع پر سکھوں نے خالصتان کے حق میں بینرز آویزاں کردیے۔

غیر ملکی خبر رساں ادارے کے مطابق کینیڈا کے شہر مسی ساگا میں دیوالی تقریبات کے دوران بھارتی نژاد کینیڈٰین اور خالصتان علیحدگی پسند تحریک کے ارکان آپس میں لڑ پڑے۔

رپورٹ میں کہا گیا ہے کہ یہ لڑائی مسی ساگا کے علاقے مالٹن میں ہوئی جس کی ایک ویڈیو سوشل میڈیا پر بھی وائرل ہو رہی ہے۔

DIWALI NIGHT ‘FIGHT’: A flag-waving faceoff between Indian & Khalistan supporters at Westwood Mall, Malton-Mississauga, on Diwali night appears to have triggered what Peel Police described as reports of "400-500 people fighting in a parking lot." One person was injured. https://www.bolnews.com/urdu/world/2022/10/177988/amp/ pic.twitter.com/FIA3vbELpd

— Daksh Panwar (@Daksh280) October 25, 2022

ویڈیو میں دیکھا جاسکتا ہے کہ پولیس اہلکار دیوالی کی تقریب میں آپس میں گتھم گھتا ہجوم کو الگ کرنے کی کوشش کر رہے ہیں۔

رپورٹ کے مطابق ایک گروپ نے دیوالی کی تقریبات کے دوران بھارتی پرچم لہرایا جب کہ دوسرے نے بھارتی پنجاب میں سکھوں کے لیے علیحدہ وطن خالصتان کی حمایت میں بینرز اٹھا رکھے تھے۔

کینیڈین پولیس کے مطابق جھگڑوں میں ایک شخص زخمی ہوا جس کو طبی امداد کے لیے قریبی اسپتال منتقل کردیا گیا تھا۔

مقامی میڈیا سے بات کرتے ہوئے ایک پولیس اہلکار کا کہنا تھا کہ لڑنے والے لوگ الگ تھے اور پورا گروپ اس لڑائی میں شامل نہیں تھا۔

انہوں نے بتایا کہ جب ہم وہاں پہنچے تو ایک بڑا ہجوم موجود تھا اور بہت سارے لوگ چیخ رہے تھے، جب تک ہم نے ہجوم کو منتشر نہیں کردیا تب تک پولیس علاقے میں ہی موجود تھی۔