ٹوئٹر کے مالک ایلون مسک نے سابق امریکی صدر ڈونلڈ ٹرمپ کا ٹوئٹر اکاؤنٹ بحال کردیا ہے۔

غیر ملکی خبر رساں ادارے کی رپورٹ کے مطابق سماجی رابطے کی سائٹ ٹوئٹر کے مالک ایلون مسک نے سابق امریکی صدر ڈونلڈ ٹرمپ کا اکاؤنٹ بحال کرنے یا نہ کرنے کے حوالے سے ایک پول کا اہتمام کیا تھا۔

اس پول میں صارفین سے رائے طلب کی گئی تھی کہ ڈونلڈ ٹرمپ کا اکاؤنٹ بحال کیا جائے یا نہیں جس پر دیڑھ کروڑ صارفین نے اپنی رائے دی۔

ایلون مسک کے مطابق 51.8 فیصد صارفین نے ڈونلڈ ٹرمپ کے اکاؤنٹ کو بحال کرنے کے حق میں اپنا ووٹ دیا جب کہ 48.2 فیصد صارفین نے مخالفت میں ووٹ دیا۔

Reinstate former President Trump

Advertisement

— Elon Musk (@elonmusk) November 19, 2022

واضح رہے کہ ٹوئٹر نے 2021 میں ڈونلڈ ٹرمپ کا اکاؤنٹ اشتعال انگیز بیانات کے باعث معطل کردیا تھا جب کہ اس وقت سابق امریکی صدر کے 8.8 کروڑ سے زائد فالوورز تھے۔

یہاں یہ بات بھی زیر غور ہے کہ ڈونلڈ ٹرمپ نے حال ہی میں تیسری مرتبہ امریکی صدارتی انتخابات میں حصہ لینے کے عزم کا اظہار کیا تھا جس کے بعد اب ان کا اکاؤنٹ بھی بحال کردیا گیا ہے۔