اسرائیلی فورسز کی فائرنگ سے دو بھائیوں سمیت 3 فلسطینی نوجوان شہید ہوگئے۔

عرب میڈیا کی رپورٹ کے مطابق  فلسطینی وزارت صحت نے تصدیق ہے کہ مقبوضہ مغربی کنارے میں دو الگ الگ واقعات کے دوران اسرائیلی فورسز کی فائرنگ سے دو بھائیوں سمیت تین فلسطینی نوجوان شہید ہو گئے ہیں۔

وزارت صحت نے بتایا کہ ہیبرون کے قریب ایک فوجی چھاپے کے دوران اسرائیلی فوجیوں کے ہاتھوں مفید خلیل  نامی شہری شہید ہوگیا۔

فائرنگ کا  دوسرا واقعہ فلسطینی شہر رام اللہ کے ایک گاؤں میں پیش آیا جس میں شہید ہونے والے دو بھائیوں کی شناخت جواد اور ظفر رماوی کے نام سے ہوئی ہے جن کی عمریں 21 اور 22 سال ہیں۔

فلسطینی اتھارٹی کے شہری امور کے وزیر حسین الشیخ نے دونوں بھائیوں کے قتل کو افسوسناک  واقعہ قرار دیا ہے۔

گزشتہ کچھ عرصے کے دوران مغربی کنارے کے مختلف علاقوں میں اسرائیلی فوج کی کارروائیوں میں اضافہ ہوا ۔