مسجد نبویﷺ کے صحن میں خاتون نے بچی کو جنم دے دیا ہے۔

غیر ملکی خبر رساں ادارے کی رپورٹ کے مطابق مسجد نبوی ﷺ کے صحن میں زچکی کا عمل ہوا جس میں بچی کی ولادت ہوئی ہے جب کہ والد نے نومولود بچی کا نام طیبہ رکھ دیا ہے۔

رپورٹ کے مطابق خاتون کی نازک حالت کو دیکھتے ہوئے سعودی ہلال احمر اور حرم ایمبولنس سینٹر نے زچکی کا عمل مسجد نبوی ﷺ کے صحن میں ہی شروع کردیا۔

رپورٹ کے مطابق زچکی کے عمل میں موقع پر موجود ایک ڈاکٹر کی خدمات بھی حاصل کی گئی اور پیدائش کا عمل کامیابی سے مکمل ہوا۔

حکام کا کہنا ہے کہ ایسے کیسز میں خصوصی میڈیکل مہارت درکار ہوتی ہے جب کہ حکام کے مطابق خاتون اور نومولود بچی کو چیک اپ کے بعد باب جبریل ہیلتھ سینٹر منتقل کردیا گیا ہے۔