مقبوضہ فلسطین میں اسرائیلی قابض فوج نے رواں برس 150 سے زائد فلسطینی شہید کردیے۔

اقوام متحدہ کے خصوصی ایلچی برائے مشرق وسطیٰ کی رپورٹ میں انکشاف ہوا ہے کہ اسرائیل نے 2022 میں مقبوضہ مغربی کنارے میں اب تک 150 سے زائد فلسطینوں کو شہید کردیا ہے۔

رپورٹ میں بتایا گیا ہے کہ یہ حالیہ برسوں میں اسرائیلی جارحیت سے شہید ہونے والوں کی بلند ترین شرح ہے۔

مزید پڑھیں: اسرائیلی فورسز کی فائرنگ سے دو بھائیوں سمیت 3 فلسطینی شہید

رپورٹ میں کہا گیا ہے کہ مقبوضہ بیت المقدس اور مغربی کنارے میں اسرائیل کی جانب سے مزید نئی آباد کاریاں اقوام متحدہ کی قراردادوں اور عالمی قوانین کی خلاف ورزی ہے۔

رپورٹ میں مزید بتایا گیا ہے کہ صرف مقبوضہ مغربی کنارے میں اسرائیلی آباد کاروں کے لیے سال 2022 میں تین گنا زیادہ غیر قانونی تعمیرات کی  گئی ہیں۔

مزید پڑھیں: اسرائیلی فوج کی فائرنگ سے تین فلسطینی شہید

اقوام متحدہ کے خصوصی ایلچی برائے مشرق وسطیٰ نے اپنی رپورٹ میں مطالبہ کیا ہے کہ اسرائیل مقبوضہ علاقوں میں غیر قانونی تعمیرات کو روکےاور فلسطینیوں کی املاک کو تباہ نہ کرے۔