بھارت ریاست بہار میں ’پاکستان زندہ باد‘ کے نعرے لگ گئے ہیں جس کے الزام میں پولیس نے 5 افراد کو گرفتار کرلیا ہے۔

بھارتی میڈٰیا کے مطابق ریاست بہار کے شہر بھوجپور کے چاندی گاؤں میں یہ واقعہ پیش آیا ہے، جہاں نوجوانوں کا ایک گروپ بیڈمنٹن میچ میں اپنی فتح کا جشن منارہا تھا۔

جشن کی ویڈیو سوشل میڈٰیا پر وائرل ہوگئی جس کے بعد پولیس نے کارروائی کرتے ہوئے 5 افراد کو گررفتار کرلیا ہے۔

बिहार के आरा में 'पाकिस्तान जिंदाबाद' के नारे लगाते युवकों का वीडियो वायरल, पुलिस ने पांच को गिरफ्तार किया. pic.twitter.com/SpVI0s942L

Advertisement

— Asheesh Kumar Mishra (@Asheesh17604450) December 23, 2022

رپورٹ کے مطابق گرفتار 5 افراد میں سے 4 افراد کی شناخت محمد تنویر عالم، محمد ارمان، کالو اور سونو کے نام سے ہوئی ہے۔

ویڈیو میں دیکھا گیا ہے کہ جیت کی خوشی میں نوجوانوں نے ریلی نکالی جس دوران کچھ نوجوانوں نے پاکستان کی حمایت میں نعرے لگائے جب کہ ان میں سے دو نوجوان جیت کی ٹرافی بھی اپنے ہاتھوں میں تھامے ہوئے تھے۔

اس معاملے میں بہار پولیس کا کہنا ہے کہ معاملے کی مزید چھان بین جاری ہے جب کہ چاندی گاؤں کے ایس ایچ او نے بتایا کہ 5 افراد کو گرفتار کیا گیا ہے اور مزید کارروائی جاری ہے۔