امریکی ریاست کیلی فورنیا میں 6.4 شدت کے زلزلے سے کم از کم 2 افراد ہلاک اور متعدد زخمی ہوگئے ہیں۔

بین الاقوامی خبر رساں ادارے کے مطابق  امریکہ کی ریاست کیلی فورنیا میں 6.4 شدت  کے طاقتور زلزلے سے گھر وں کو نقصان پہنچا اور سڑکیں بھی ٹوٹ پھوٹ کا شکار ہوئیں۔

مزید پڑھیں: انڈونیشیا میں 6.4 شدت کا زلزلہ

ہمبولڈ کاؤنٹی شیرف کے دفتر کے مطابق کم از کم ایک درجن سے زائد افراد زخمی ہوئے جن میں سے دو افراد طبی امداد دیے جانے کے دوران ہی جان کی بازی ہار گئے۔

زلزلے کے باعث زیر زمین یوٹیلیٹی لائنیں پھٹنے سے ہزاروں مکین پانی اور بجلی سے محروم ہوگئے ہیں۔

مزید پڑھیں: سمندر کی تہہ سے عجیب و غریب مخلوق کی دریافت جسے زلزلہ باہر لے آیا، دل دہلا دینے والی ویڈیو دیکھیں

زلزلے کے جھٹکوں کے بعد تقریباً 80 آفٹر شاکس بھی محسوس کیے گئے۔

کیلی فورنیا کے گورنر گیون نیوزوم نے ہمبولڈ کاؤنٹی میں ہنگامی حالت نافذ کرنے کا اعلان کردیا ہے تاکہ زلزلہ متاثرین کی ہنگامی بنیادوں پر مدد کی جا سکے۔