مسجد الحرام کا تعمیراتی کام بارش کے باعث عارضی طور پر بند کر دیا گیا۔

سعودی میڈیا کی رپورٹ کے مطابق مسجد الحرام کی انتظامیہ کا کہنا ہے کہ بارش کا سلسلہ ختم ہونے تک تعمیراتی کام معطل رہے گا۔

مسجد الحرام کی انتظامیہ کا کہنا ہے کہ بارش کے دوران حفاظتی اقدامات کو فول پروف بنایا گیا ہے۔ عبادت کے دوران زائرین کی سلامتی کو یقینی بنایا جائے  گا ۔

مزید پڑھیں: سعودی عرب سے آنے والے مسافروں پر آب زم زم لانے پر مکمل پابندی عائد

انتظامیہ کا کہنا ہے کہ مسجد الحرام میں دو سو نگران، چار ہزار کارکنان اور پانچ سو مشینیں بارش سے پیدا ہونے والے مسائل سے نمٹ رہے ہیں۔

مسجد الحرام کی انتظامیہ کا مزید کہنا ہے کہ بارش کے دوران مطاف، نماز کے مقامات اور داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جارہا ہے۔

مزید پڑھیں: سعودی عرب نے اسرائیلی وزیر کی مسجد اقصیٰ آمد کو اشتعال انگیزی قرار دے دیا

واضح رہے کہ سعودی دارالحکومت ریاض اور مکہ سمیت مختلف علاقوں میں موسلا دھار بارش کا سلسلہ جاری ہے جس کے باعث  سردی کی شدت میں بھی مزید اضافہ ہوگیا ہے۔