یوکرین کی بندرگاہ پر ترکیہ کے کارگو جہاز پر میزائل حملہ ہوا ہے۔

بین الاقوامی خبر رساں ادارے کی رپورٹ کے مطابق  یوکرین کے شہر خیرسن کی بندرگاہ پر ترکیہ کے کارگو جہاز پر میزائل  حملہ کیا گیا ہے۔

مزید پڑھیں: سابق برطانوی سیکریٹری خارجہ نے مودی کو گجرات قتل عام کا ذمہ دار قرار دے دیا

میزائل حملے کے نتیجے میں بحری جہاز میں آگ بھڑک اٹھی ہے ۔میری ٹائم سیکیورٹی کمپنی ایمبرے کا کہنا ہے کہ میزائل توزلا نامی بحری جہاز کے پل سے ٹکرا گیا، جس سے آگ لگی۔

سوشل میڈیا پر وائرل ہونے والی ویڈیوز میں دیکھا جاسکتا ہے کہ جہاز کے کمانڈ روم میں آگ کے شعلے بھر رہے ہیں۔تاہم ابتدائی  طور پر کسی جانی نقصان کی اطلاع نہیں ملی۔

مزید پڑھیں: امریکہ میں 3 دن میں فائرنگ کا دوسرا واقعہ ،7 افراد ہلاک

واضح رہے کہ یہ جہاز فروری 2022 سے یوکرین کی خیرسن بندرگاہ پر پھنسا ہوا ہے۔

یوکرین کی خیرسن بندرگاہ پر اس کے علاوہ ترکیہ کے مزید 12 بحری جہاز پھنسے ہوئے ہیں۔