امریکی ریاست لاس اینجلس میں نئے قمری سال کے جشن کے دوران فائرنگ سے 10 افراد ہلاک ہوگئے۔

بین الاقوامی خبر رساں ادارے کے مطابق بڑی ایشیائی آبادی  والے علاقے مونٹیری پارک میں نئے قمری سال کی تقریبات  کے دوران فائرنگ سے 10 افراد ہلاک اور 16 زخمی ہوگئے۔

مزید پڑھیں: امریکہ ایک بار پھر خون میں نہا گیا، ریستوران میں فائرنگ سے 10 افراد ہلاک

پولیس حکام کا کہنا ہے کہ مرنے والوں میں پانچ مرد اور پانچ خواتین شامل ہیں جبکہ زخمی ہونے والوں میں سے بعض کی حالت تشویشناک ہے۔

پولیس  حکام کا کہنا ہے کہ بعد ازاں حملہ آور ایک   وین میں مردہ پایا گیا  جس  میں وہ فرار  ہونے کی کوشش کررہا تھا۔

مزید پڑھیں: امریکہ، فلاڈیلفیا کے ایک بار میں فائرنگ، ہلاکت کی متضاد اطلاعات

لاس اینجلس کاؤنٹی کے شیرف رابرٹ لونا  کا کہنا ہے کہ مبینہ طور پر 72 سالہ حملہ آور ہو کین ٹران  نے پولیس کے قریب آنے پر خود کو گولی مار لی  اور موقع پر ہی ہلاک ہوگیا۔

رابرٹ لونا نے مزید کہا کہ کوئی اور مشتبہ شخص فرار نہیں ہوا ہے اور اس حملے کا مقصد  بھی ابھی واضح نہیں ہے۔