بھارتی انتہا پسند ہندوؤں کے ہاتھوں مزید دو کورین لڑکیاں ہراسانی کا شکار ہوگئیں۔

تفصیلات کے مطابق سوشل میڈیا پر وائرل ہونے والی ویڈیو میں دیکھا جاسکتا ہے کہ ایک انتہا پسند ہندو طالب علموں کا گروہ دو کورین لڑکیوں کو گھیر کر ہراساں کر رہا ہے۔

بھارتی میڈیا کی رپورٹ کے مطابق کورین لڑکیاں بھارت میں ہندی زبان کی تعلیم کی غرض سے مقیم اور دہلی کی رہائشی ہیں۔

مزید پڑھیں: بھارت، خواتین فٹ بال ٹیم کے اسسٹنٹ کوچ جنسی ہراسانی پر برطرف

وہ اپنے  ایک دوست سے ملنے ریاست اتر پردیش  کے شہر میرٹھ میں واقع چودھری چرن سنگھ یونیورسٹی گئی تھیں جہاں انہیں انتہا پسند ہندو طالب علموں نے گھیر کر ہراساں کیا۔

انتہا پسند ہندو طالب علموں نے ان پر الزام عائد کیا کہ وہ  لڑکیاں عیسائی مشنری ہیں اور ان کا مذہب تبدیل کروانے کی غرض سے آئی ہیں۔

Korean Students who are studying Hindi in Delhi had come to visit Chaudhary Charan Singh University in Meerut, UP but they are harassed by RW goons claiming they are Christian Missionaries and here to convert them.

Meerut Police has denied the conversion allegation. pic.twitter.com/WPG9r2eM4L

— Drunk Journalist (@drunkJournalist) January 22, 2023

انتہا پسند ہندو طالب علموں نے دونوں لڑکیوں کو گھیر لیا اور ‘جے شری رام’ کے نعرے لگائے۔

سوشل میڈیا پر فوری ویڈیو وائرل ہونے کے بعد میرٹھ پولیس نے مداخلت کرتے ہوئے کورین لڑکیوں کو بچایا۔

میرٹھ پولیس کے آفیشل ٹوئیٹر اکاؤنٹ سے کی گئی پوسٹ میں  انتہا پسند ہندو طالب علموں  کی طرف سے لگائے گئے مذہب تبدیلی کے الزامات کی تردید کی گئی ہے۔

مزید پڑھیں: بھارت میں جنوبی کوریا کی خاتون کو لائیو اسٹریمنگ کے دوران ہراسانی کا سامنا

واضح رہے کہ بھارت میں ہراسانی کے واقعات اب معمول بن چکے ہیں جن کا شکار نہ صرف مقامی بلکہ غیر ملکی  خواتین بھی ہوتی ہیں۔

گزشتہ ماہ کے آغاز میں بھارت میں ایک کورین خاتون  یوٹیوبر ہیو جیونگ پارک کو لائیو اسٹریمنگ کے دوران ہراسیت کا سامنا کرنا پڑا تھا۔

@MumbaiPolice A streamer from Korea was harassed by these boys in Khar last night while she was live streaming in front of a 1000+ people. This is disgusting and some action needs to be taken against them. This cannot go unpunished. pic.twitter.com/WuUEzfxTju

— Aditya (@Beaver_R6) November 30, 2022