اٹلی میں تارکین وطن کی کشتی ڈوبنے سے 28 پاکستانیوں سمیت 59 افراد جاں بحق ہوگئے۔

بین الاقوامی خبر رساں ادارے کے مطابق  لیبیا سے اٹلی آنے والی کشتی اٹلی کے شہر کروتونیا کلابریا سے تقریباً پچیس کلومیٹر دور سمندر میں ڈوب گئی۔

یہ بھی پڑھیں: تیونس، تارکین وطن کی کشتی ڈوبنے سے 5 افراد ہلاک

کشتی میں تقریبا 150 سے 200 افراد سوار تھے، 81 افراد کو بروقت کارروائی کر کے زندہ بچا لیا  گیاہے جس میں سے 20 افراد کو اسپتال منتقل کیا گیا ہے۔

حکام کے مطابق 59 افراد کی لاشیں نکال لی گئیں  جس میں 28 پاکستانی بھی شامل ہیں۔

یہ بھی پڑھیں: امریکی ریاست فلوریڈا میں کشتی ڈوبنے سے39 افراد لاپتہ

ذرائع کے مطابق اس کشتی  میں تقریباً 40 پاکستانی سوار تھے ۔

روم میں پاکستان کا سفارت خانہ اطالوی حکام بشمول میری ٹائم ایجنسیوں کے ساتھ ساتھ خطے میں پاکستانی کمیونٹی کے رضاکاروں اور کلابریا میں موجود پاکستانیوں سے براہ راست رابطے میں ہے۔