نئی دہلی: بھارت میں برطانوی نشریاتی ادارے (بی بی سی) پر چھاپے کے بعد امریکہ اور برطانیہ کا ردعمل سامنے آگیا ہے۔

برطانیہ کا بھارت میں بی بی سی کے دفتر پر چھاپے پر ردعمل دیتے ہوئے کہنا ہے کہ ٹیکس سروے کی رپورٹس پرگہری نظر ہے۔

دوسری جانب بھارتی چھاپے پر امریکی محکمہ خارجہ کا ردعمل بھی سامنے آیا جس میں انہوں نے کہا کہ برطانوی نشریاتی ادارے کے دفاتر پر سروے سے آگاہ ہیں۔

انہوں نے کہا کہ دنیا میں آزاد میڈیا کی اہمیت کی حمایت کرتے ہیں، آزاد میڈیا سے ہی بھارت میں جمہوریت مضبوط ہوئی ہے۔

واضح رہے کہ بھارت میں میں بی جے پی کی حکومت میں مسلم کش فسادات پر اصل حقائق منظر عام کی فلم بنانے پر بی بی سی زیر عتاب آگیا ہے جب کہ بی بی سی کے بھارتی دفتر پر گزشتہ روز انکم ٹیکس حکام نے دھاوا بول دیا تھا۔

مودی حکومت فلم منظر عام پر آنے کے بعد بوکھلاہٹ کا شکار ہے جس کے بعد مودی سرکار نے بی بی سی کے خلاف انتقامی کارروائی کا آغاز کیا ہے۔

میڈیا رپورٹس کے مطابق بھارتی انکم ٹیکس اہلکاروں نے پولیس کی مدد سے بی بی سی کے نئی دہلی اور ممبئی کے دفاتروں کو مکمل گھیرے میں لے رکھا اور کسی کو بھی اندر یا باہر جانے کی اجازت نہیں دی تھی۔

انکم ٹیکس کے عملے نے دفتر کے کاغذات الٹ پلٹ کر دیے تھے جب کہ ان کا رویہ بھی جارحانہ تھا جس کی وجہ سے بی بی سی کے ملازمین اپنے کام سرانجام نہیں دے پائے تھے۔