سعودی کابینہ نے سویڈن میں قرآن پاک کی بے حرمتی کی شدید مذمت کی ہے۔

سعودی میڈیا کی رپورٹ کے مطابق سعودی عرب نے حالیہ دنوں میں یورپ کے کئی دارلحکومتوں میں قرآن پاک کی بار بار بے حرمتی کے واقعات کی شدید مذمت کرتے ہوئے اسے مسترد کیا ہے۔

مزید پڑھیں: بھارت میں قرآن پاک کی بے حرمتی کے خلاف شدید احتجاج

سعودی دارالحکومت ریاض میں خادم الحرمین الشریفین شاہ سلمان بن عبدالعزیز کی زیر صدارت کابینہ کے اجلاس میں کابینہ نے قرآن پاک کی بے حرمتی سے متعلق سعودی عرب کے غیرمتزلزل موقف کا اعادہ  کیا۔

سعودی کابینہ نے کہا کہ حالیہ دنوں میں متعدد یورپی ممالک میں قرآن پاک کی بے حرمتی کی مذمت کرتے ہیں۔

مزید پڑھیں: سویڈن میں قرآن پاک کی بےحرمتی گھناؤنا فعل اور ناقابل قبول ہے، وزیراعظم

کابینہ نے مزید کہا اس بات کو ضروری سمجھتے ہیں کہ یورپی ممالک کی حکومتیں دنیا بھر کے کروڑوں مسلمانوں کے جذبات مجروح کرنے والی سرگرمیوں کا سدباب کریں۔