فلپائن میں سیسنا طیارہ حادثے کا شکار ہوگیا جس میں سوار 4 افراد ہلاک ہوگئے۔

بین الاقوامی خبر رساں ادارے کی رپورٹ کے مطابق طیارہ گرنے کا واقعہ فلپائن میں میون کے پہاڑی سلسلے میں پیش آیا جہاں طیارہ ایک آتش فشاں پہاڑ کے نزدیک گرا۔

یہ بھی پڑھیں: نیپال، ایئرپورٹ کے قریب مسافر طیارہ گر کر تباہ، 66 افراد ہلاک

طیارہ حادثے کے نتیجے میں دو آسٹریلوی اور دو فلپائنی شہری ہلاک ہوگئے۔

فلپائنی سول ایوی ایشن کا کہنا ہے کہ طیارہ گرنے کی اطلاع ملتے ہی فضائیہ کے ہیلی کاپٹر نے ریسکیو کارروائی شروع کی اور طیارے کا ملبہ آتش فشاں پہاڑ پر ڈھونڈ لیا۔

یہ بھی پڑھیں: طیارہ رن وے سے پھسلتا ہوا جھیل میں جاگرا، خوفناک ویڈیو وائرل

حادثے میں ہلاک ہونے والے دو آسٹریلوی شہری پاور کمپنی میں انرجی ڈیولپمنٹ کارپوریشن کے مشیر کے طور پر کام کررہے تھے۔