چین نے مبینہ جاسوس غبارے کے تنازع پر امریکہ   کو ‘پرسکون’ رہنے کی  تنبیہ  کی ہے۔

بین الاقوامی خبر رساں ادارے کے مطابق  امریکی حکام  کا کہنا ہے کہ امریکی فضاؤں میں چین کے مبینہ جاسوس غبارے کی موجودگی کے واقعے کے منفی اثرات سے بچنے کے لیے امریکی وزیر خارجہ کا چین کا دورہ ملتوی کیا گیا ہے۔

مزید پڑھیں: پینٹاگون کا چین پر مشتبہ غبارے کے ذریعے جاسوسی کا الزام

امریکی حکام کا کہنا ہے کہ  وزیر خارجہ کا دورہ چین پہلے سے طے شدہ تھا۔ چینی غبارہ حساس علاقے میں جاسوسی کررہا تھا۔

دوسری جانب  چین کی وزارت خارجہ  کی ترجمان نے تصدیق کی  ہے کہ غبارہ چین کا ہے۔

تاہم چینی وزارت خارجہ کی جانب سے جاری بیان میں  اس بات کی تردید کی  گئی ہے کہ غبارہ جاسوسی کے لیے ہے۔

مزید پڑھیں: مبینہ جاسوس غبارہ ملنے کے بعد امریکی وزیر خارجہ کا دورہ چین ملتوی

چینی وزارت خارجہ نے  کا کہنا ہے کہ یہ غبارہ بنیادی طور پر ایک ائیر شپ ہے جو موسم سے متعلق تحقیق کے لیے استعمال ہوتا ہے اور یہ حادثاتی طور پر اڑتے ہوئے امریکی فضائی حدود میں داخل ہوا۔

واضح رہے کہ پینٹاگون نے گزشتہ شب ایک اور مبینہ چینی جاسوس غبارے  کو ٹریس کیے جانے کا دعویٰ کیا تھا۔