نیڈ پرائس امریکی محکمہ خارجہ کے ترجمان کے عہدے سے دستبردار ہوگئے۔

 واشنگٹن میں امریکی محکمہ خارجہ کے ترجمان نیڈ پرائس  نے اپنی آخری پریس بریفنگ میں پاکستان کے سیاسی حالات پر سوالات کے جواب دیے۔

یہ بھی پڑھیں: پاک امریکہ مضبوط تجارتی و اقتصادی تعلقات وقت کی ضرورت ہیں، نیڈ پرائس

نیڈ پرائس نے کہا کہ پاکستان سمیت دنیا بھر میں جمہوری، آئینی اور قانونی اصولوں کی پرامن برقراری کی حمایت کرتے ہیں۔

انہوں نے کہا کہ سیاسی جماعتوں کے درمیان سیاست کے بارے میں ہم کوئی پوزیشن نہیں لیتے۔   ہم کسی ایک سیاسی امیدوار کی حمایت نہیں کرتے۔

نیڈ پرائس نے کہا کہ ہم ایک پارٹی کو دوسری پارٹی پر ترجیح نہیں دیتے۔ ہم ایک آئینی نظام اور قانونی فریم ورک کی حمایت کرتے ہیں۔

امریکی وزیر خارجہ ٹونی بلنکن نے بریفنگ کے دوران آکر نیڈ پرائس کو خراج تحسین پیش کیا۔

یہ بھی پڑھیں: پاکستان کو 200 ملین ڈالرز کی امداد پر چیک اینڈ بیلنس رکھیں گے، نیڈ پرائس

نیڈ پرائس نے مجموعی طور پر 200 سے زائد پریس بریفنگز دیں۔

نیڈ پرائس امریکی محکمہ  خارجہ میں ہی مختلف عہدے پر کام جاری رکھیں گے۔

امریکی محکمہ خارجہ کے نائب ترجمان ویدانت پٹیل اب پریس بریفنگ کی ذمہ داریاں انجام دیں گے۔