امریکی صدر جو بائیڈن کو ٹک ٹاک پر پابندی عائد کرنے کا اختیار مل گیا۔

بین الاقوامی خبر رساں ادارے کے مطابق  امریکی پارلیمانی کمیٹی نے ٹک ٹاک پر پابندی کے اختیارات صدر مملکت کو دینے کا بل منظور کرلیا۔

یہ بھی پڑھیں: ٹک ٹاک نے خاموشی سے زبردست فیچر متعارف کرا دیا

بل کی منظوری کے بعد جو بائیڈن اب  ٹک ٹاک سمیت سیکیورٹی رسک سمجھی جانے والی کسی بھی سوشل میڈیا ایپ پر پابندی لگا سکیں گے۔

پابندی لگانے کے لیے انتظامیہ کو نئے اختیارات دینے کے حق میں قانون سازوں نے 24 ووٹ دیے جبکہ اس کی مخالفت میں 16 ووٹ پڑے۔

یہ بھی پرھیں: راتوں رات کسی کو بھی وائرل کرنے والا ٹک ٹاک کا خفیہ بٹن سامنے آگیا

واضح رہے کہ بائٹ ڈانس کی ملکیت والی چینی ایپ ٹک ٹاک کو امریکہ میں 10 کروڑ سے زیادہ افراد استعمال کرتے ہیں۔

تاہم امریکی حکام  مختصر ویڈیوز کی ایپ ٹک ٹاک کو سیکیورٹی رسک قرار دیتے ہیں۔