ترک صدر رجب طیب اردوغان نے ملک میں تباہ کن زلزلےکے باوجود انتخابات مقررہ وقت پر کرانے کا اعلان کردیا۔

بین الاقوامی خبر رساں ادارے کے مطابق  ترک صدر سے حکمران جماعت کے اراکین پارلیمنٹ نے ملاقات کی۔

یہ بھی پڑھیں: ترکیہ؛ زلزلے کے دوران نرسوں کی نوزائیدہ بچوں کو بچانے کی ویڈیو وائرل

اراکین پارلیمنٹ سے خطاب کرتے  ہوئے ترک صدر نے کہا کہ حکومت زلزلے کے بہانے صدارتی اور پارلیمانی انتخابات کی تاریخ مؤخر کرنے کا نہیں سوچ رہی۔

رجب طیب اردوغان کا کہنا تھا کہ  انتخابات کے لیے تجویز کردہ 14 مئی کی تاریخ حتمی ہے اور زلزلے کے باوجود انتخابات وقت پر ہوں گے۔

یہ بھی پڑھیں: ترکیہ میں تباہ کن زلزلے کے بعد 14 ممالک میں سونامی کا انتباہ جاری

انہوں نے مزید کہا کہ  یہ قوم انشاء اللہ 14 مئی کو وہ کرے گی جو ضروری ہے۔

واضح رہے کہ ترکیہ سمیت شام میں 6 فروری کو آنے والے زلزلے نے بڑے  پیمانے پر تباہی پھیلائی تھی۔زلزلے سے صرف ترکیہ میں ہلاکتوں کی تعداد 45 ہزار سے تجاوز کرگئی ہے۔