بابا وانگا کی نئی پیشگوئی نے سائنسدانوں کو پریشانی میں مبتلا کردیا ہے۔

سال 5079 تک مختلف واقعات کی پیشگوئی کرنے والی آنجہانی بابا وانگا کی سال 2023 سے متعلق ایک اور پیشگوئی کے مطابق رواں سال سورج سے پیدا ہونے والا ایک طوفان زمین سے ٹکرا سکتا ہے۔

بابا وانگا کی پیشگوئی کے حوالے سے سائنسدانوں کا کہنا ہے کہ ہر 11 سال بعد سورج متحریک ہوتا ہے اور شمسی سرگرمی اسی کا نتیجہ ہے، شمسی طوفان کے بارے میں کہا جا رہا تھا کہ یہ 2024 یا پھر 2026 میں نظر آئے گا لیکن اب یہ رواں سال تباہی مچا سکتا ہے۔

دعویٰ کیا جا رہا ہے کہ یہ طوفان 20 اپریل  یعنی آج اپنا اثر دکھا سکتا ہے جس سے زمین پر مسائل پیدا ہوں گے۔ طوفان سے بڑی تعداد میں برقی مقناطیسی روانائی جاری کر سکتے ہیں جس کے نتیجے میں پاور گرڈ اور جی پی ایس سگنل سمیت ہر قسم کا نظام درہم برہم ہوگا۔

 واضح رہے کہ بابا وانگا کا تعلق بلغاریہ سے تھا اور ان کے انتقال کو 27 سال گزر چکے ہیں۔ انہوں نے اپنی زندگی میں ہی سال 5079 تک مختلف واقعات کی پیشگوئیاں کی تھیں جن میں زیادہ تر درست ثابت ہوئیں۔