روس  میں ایک شاپنگ مال میں پانی کے پائپ میں دھماکے سے چار افراد ہلاک ہوگئے۔

بین الاقوامی خبر رساں ادارے کے مطابق  ماسکو کے مغربی علاقے کے ایک شاپنگ مال میں پانی کا پائپ دھماکے سے پھٹ گیا جس کے نتیجے میں چار افراد ہلاک اور 10 زخمی ہوگئے۔

میئر سرگئی سوبیانین   کا کہنا ہے کہ زخمی ہونے والوں میں سے کچھ لوگ گرم پانی سے جھلس چکے ہیں اور امدادی ٹیمیں جائے وقوعہ پر کام میں مصروف ہیں۔

ماسکو کے شاپنگ مال میں جب گرم پانی کا پائپ پھٹا تو ایک تیز دھماکے کی آواز آئی، پائپ پھٹنے کے بعد عمارت میں پانی بھر گیا جبکہ دروازے سے بھاپ نکلتی بھی دیکھی گئی۔

واقعے  کے بعد ماسکو کے ہنگامی خدمات کے ادارے جائے وقوعہ پر پہنچے اور امدادی سرگرمیاں انجام دیں۔

حادثے میں زخمی ہونے والے افراد کو گرم پانی سے جلنے کے زخم آئے جنہیں فوری طور پر اسپتال منتقل کیا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/07/106912/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/07/106912/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں