امریکہ نے عمر رسیدہ خاتون نے انتہائی بہادری کا مظاہرہ کرتے ہوئے جہاز کی بحفاظت لینڈنگ کرکے مسافروں کی جان بچالی ہے۔

غیر ملکی خبر رساں ادارے کی رپورٹ کے مطابق امریکی ریاست میساچوسٹس کے جزیرے مارتھا زون یارڈ میں دوران پرواز 79 سالہ پائلٹ کی طبیعت بگڑ گئی۔

پائلٹ کی خراب طبیعت کو دیکھتے ہوئے 68 سالہ معمر خاتون نے جہاز کا کنٹرول سنبھالا اور ہنگامی لینڈنگ کرکے مسافروں کی جان بچالی۔

پولیس کا کہنا ہے کہ جب جہاز منزل پر پہنچا تو طبیعت کی خرابی کی وجہ سے پائلٹ جہاز کو چلانے کے قابل نہیں رہا جس کے بعد خاتون نے جہاز کا کنٹرول سنبھالنے کا فیصلہ کیا۔

پولیس کے مطابق خاتون کو اس سے قبل جہاز اڑانے کا تجربہ نہیں تھا جس کے باعث جب انہوں نے ہنگامی لینڈنگ کی تو جہاز کا بایا بازو درمیان سے ٹوٹ گیا۔

پولیس کا کہنا تھا کہ تمام مسافر محفوظ ہیں جب کہ خاتون کو معمولی چوٹی آئی ہیں جنہیں اسپتال منتقل کیا گیا ہے۔

دوسری جانب جہاز کے پائلٹ کو بھی بوسٹن کے ایک اسپتال میں تشویش ناک حالت میں منتقل کردیا گیا ہے۔