کینیڈا میں تھمزاپ ایموجی بھیجنے پر کمپنی کے مالک پر82 ہزار کینیڈین ڈالر کا جرمانہ عائد کردیا گیا ہے۔

کینیڈین عدالت نے کاروبار میں معاہدے کی شرائط قبول کرنے کے لیے تھمبز اپ کی ایموجی کو کافی قرار دیتے ہوئے ایک مالک پر تقریباً 82 ہازر ڈالرز کا جرمانہ عائد کیا ہے۔

کاشتکاری کمپنی کے مالک کرس ایکٹر کو ایک اناج خریدار نے فلیکس خریدنے کے معاہدے کی تصویر بھیجی تھی جس کے جواب میں کرس نے تھمز اپ کا ایموجی بھیجا تھا۔

تاہم مہینوں بعد جب ڈیلیوری کا وقت آیا تو اناج خریدار کو فلیکس نہیں ملا جس پر ایک تنازعہ کھڑا ہوگیا اور کیس عدالت پہنچ گیا۔

خریدار نے جج کے سامنے دلیل پیش کی کہ تھمز اپ کی ایموجی کا مطلب ’اوکے‘ ہوتا ہے یعنی معاہدے کی شرائط منظور اور سودا پکا ہے۔

اس معاملے پر عدالت نے دونوں فریقین کو سننے کے بعد کمپنی مالک پر 82 ہزار کینیڈین ڈالر جرمانہ عائد کردیا۔