گھر  کے بھیدی  نے لنکا ڈھادی، بھارت کا جعلی  پلوامہ ڈرامہ ایک بار پھر بے نقاب ہوگیا۔

بھارتی میڈیا کی رپورٹ کے مطابق  مغربی بنگال کی وزیر اعلیٰ ممتا بینرجی نے مودی کے جعلی پلوامہ ڈرامے کا راز بے نقاب کر دیا۔

ممتا بینرجی نے ایک  بیان میں کہا کہ  پلوامہ ڈرامہ جعلی اور اسکرپٹڈ تھا۔مودی نے انتخابات جیتنے کے لیے پلوامہ ڈرامہ رچایا۔

انہوں نے کہا کہ  پوری پلاننگ کے ساتھ 40 جوانوں کا خون بہا کر الیکشن چوری کیا گیا۔ مودی ایک بار پھر پلوامہ طرز کا ڈرامہ رچا کر انتخابات پر اثر انداز ہو سکتا ہے۔

ممتا بینرجی کے انکشافات نے گودی میڈیا کو آگ لگا دی۔ مودی نواز گودی میڈیا نے ممتا بینرجی کو غدار قرار دے دیا۔

ماضی میں کانگریس رہنما ادت راج نے بھی پلوامہ ڈرامے کو جعلی اور خود ساختہ قرار دیا تھا۔

رواں سال 14 اپریل کو مقبوضہ کشمیر کے سابق گورنر ستیا پال ملک نے بھی انکشاف کیا تھا کہ مودی اور امت شاہ نے  انہیں پلوامہ حملے پر خاموش رہنے کا حکم دیا تھا۔

ستیا پال ملک نے کہا تھا کہ  مودی پلوامہ حملے کو پاکستان پر تھوپ کر الیکشن میں ووٹ لینا چاہتا تھا۔

پلوامہ ڈرامے کے بعد مودی سرکار نے جعلی سرجیکل اسٹرائیک کا ڈرامہ رچایا تھا۔ جواب میں اگلے ہی روز پاکستان نے 2 بھارتی طیارے مار گرائے اور ونگ کمانڈر ابھینندن کو قیدی بنا لیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/07/232175/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/07/232175/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں