ایران کے شہر زاہدان میں مسلح افراد نے پولیس اسٹیشن پر حملہ کردیا۔

ایران کے سرکاری ٹیلی ویژن کے مطابق، ہفتے کے روز ایران کے شورش زدہ جنوب مشرق میں ایک پولیس اسٹیشن پر مسلح افراد اور خودکش حملہ آوروں کے حملے میں دو پولیس افسران  جاں بحق جبکہ چار حملہ آور  بھی مارے گئے۔

یہ حملہ صوبہ سیستان-بلوچستان کے دارالحکومت زاہدان میں ہوا۔

سرکاری ٹیلی ویژن کے مطابق جوابی کارروائی میں چاروں دہشت گرد مارے گئے۔

دوسری جانب مختلف میڈیا رپورٹس کے مطابق پولیس کے ترجمان نے کہا ہے کہ تین حملہ آور مارے گئے۔

سیستان-بلوچستان، جو پاکستان اور افغانستان سے متصل ہے، ایران کے غریب ترین صوبوں میں سے ایک ہے اور منشیات کی اسمگلنگ کا ایک بڑا راستہ ہے۔