ایران کے بندرگاہی شہر بندر عباس کی آئل ریفائنری کے اسٹوریج ٹینکرز میں آگ لگ گئی ہے۔

غیر ملکی خبر رساں ادارے کی رپورٹ کے مطابق ایران کے جنوبی بندرگاہی شہر بندر عباس کے ایک صنعتی زون میں آفتاب آئل ریفائننگ کمپنی کے تین پیٹرولیم مصنوعات ذخائر میں آگ لگ گئی ہے۔

سرکاری نیوز ایجنسی کا کہنا ہے کہ آگ بجھانے کی کوششیں شروع کردی گئی ہیں لیکن آگ پھیلنے اور قریبی ذخائر پھٹنے کا خدشہ ہے۔

سرکاری نیوز ایجنسی کی جانب سے ایک صنعتی کمپاؤنڈ سے نکلنے والے بڑے سیاہ دھوئیں کی فوٹیج بھی شیئر کی گئی ہے۔

تاہم سرکاری نیوز ایجنسی نے ابھی تک ہلاکتوں کے بارے میں کوئی تفصیلات نہیں بتائی ہیں۔