روس نے یوکرین سے اجناس ڈیل میں واپس آنے کے لیے 7 شرائط رکھ دی ہیں۔

غیر ملکی خبر رساں ادارے کی رپورٹ کے مطابق روس کی جانب سے اقوام متحدہ کی سلامتی کونسل سے کہا گیا ہے کہ روسی اجناس اور کھاد پر پابندی ختم کی جائے جب کہ غذا اور کھاد کی ڈیلنگ کرنے والے تمام روسی بینکوں پر عائد رکاوٹوں کو ہٹایا جائے۔

روس کا کہنا ہے کہ روسی مالیاتی اداروں کو عالمی بینکاری نظام سوئفٹ سےجوڑا جائے جب کہ زرعی مشینری کے پرزوں کی روس کو درآمد بحال کی جائے۔

روس کی جانب سے رکھی گئیں مزید شرائط میں کہا گیا ہے کہ روس کے غذائی اجناس سے لدے جہازوں کو انشورنس اور لاجسٹک کی سہولیات دی جائیں۔

علاوہ ازیں زرعی صنعت کے منجمد اثاثے بحال کیے جائیں اور اجناس ڈیل کو امیر ممالک نہیں بلکہ انسانی بنیادوں پر صرف ضرورت مند ممالک کے لیے ہی استعمال کیا جائے۔

واضح رہے کہ گزشتہ سال اقوام متحدہ اور ترکیہ کی کوششوں سے ہونے والے اناج معاہدے کے تحت بحیرہ اسود کے راستے یوکرین سے اناج کی عالمی منڈیوں تک رسائی ممکن ہوئی تھی۔

تاہم روس نے گزشتہ دنوں یوکرین سے اناج درآمدات کے معاہدے پر عمل درآمد روکنے کا اعلان کیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/07/590899/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/07/590899/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں