بھارت میں اپوزیشن جماعتوں  کے اتحاد   ’انڈیا‘ نے وزیر اعظم نریندر مودی  کے خلاف تحریک عدم اعتماد لانے کا فیصلہ کرلیا۔

بھارتی میڈیا کی رپورٹ کے مطابق  منی پور میں سنگین نسلی و مذہبی فسادات پر مودی کی مجرمانہ خاموشی پر اپوزیشن  کی جانب سے شدید احتجاج کیا جارہا ہے۔

مودی نے اپوزیشن اتحاد کو ایسٹ انڈیا کمپنی اور انڈین مجاہدین سے تشبیہ دے دی۔

نریندر مودی  نے پارلیمانی پارٹی سے خطاب کرتے ہوئے کہا کہ ’انڈیا‘ کا نام ایسٹ انڈیا کمپنی نے بھی استعمال کیا تھا۔کبھی اتنی منتشر اور بے سمت اپوزیشن نہیں دیکھی۔

دوسری جانب  منی پور میں خواتین کے ساتھ بدسلوکی  کے خلاف لوک سبھا میں اپوزیشن نے شدید احتجاج کیا۔

اپوزیشن  نے منی پور کے معاملے پر وزیر اعظم مودی سے لوک سبھا میں بیان دینے کا مطالبہ کیا۔

راجیہ سبھا میں نامناسب رویے پر عام آدمی پارٹی کے رکن کی معطلی کے خلاف اپوزیشن کے اراکین رات بھر پارلیمنٹ ہاؤس کے باہر دھرنا دے کر بیٹھے رہے۔

اپوزیشن کی طرف سے تحریک عدم اعتماد کا مقصد حکومت کو جوابدہی کے  لیے مجبور کرنا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/07/689104/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/07/689104/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں