سعودی عرب کی وزارت خارجہ کا کہنا ہے کہ پاکستان میں خودکش حملے میں قیمتی جانوں کے ضیاع پر افسوس ہوا۔

تفصیلات کے مطابق سعودی عرب کی وزارت خارجہ کی جانب  پاکستان کے شہر باجوڑ میں خودکش دھماکے کی شدید الفاظ میں مذمت کی گئی۔

سعودی وزارت خارجہ کی جانب سے جاری بیان میں کہا گیا کہ سعودی عرب دہشتگردی کے واقعے کی شدید الفاظ میں مذمت کرتا ہے، خودکش حملے میں قیمتی جانوں کے ضیاع پر افسوس ہوا ہے۔

سعودی وزارت خارجہ نے مزید کہا کہ دہشتگردی کے واقعے میں جاں بحق افراد کے لواحقین سے اظہار تعزیت کرتے ہیں۔ دھماکے میں زخمی ہونے والوں کی جلد صحت یابی کے لیے دعا گو ہیں۔

سعودی وزارت خارجہ نے کہا کہ پاکستان اور اس کی عوام کی سلامتی کے لیے دعا گو ہیں، پاکستان اور اس کی عوام کے ساتھ دکھ کی اس گھڑی میں اظہار یکجہتی کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/07/828434/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/07/828434/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں