فرانسیسی صدر ایمانوئیل میکرون کو موصول ہونے والے خط سے کٹی ہوئی انگلی برآمد ہوئی۔

بین الاقوامی خبر رساں ادارے کے مطابق صدرکے اسٹاف نے متعلقہ حکام کو آگاہ کیا اور پولیس کو تفتیش کے لیے بلالیا گیا۔

فرانسیسی میڈیا کے مطابق یہ کٹی ہوئی انگلی خط بھیجنے والے شخص کی ہے جو نفسیاتی عارضے میں مبتلا ہے۔

فرانسیسی صدر کو لکھے جانے والے خطوط اور ای میلز کو 70 افراد پر مشتمل ٹیم مانیٹر کرتی ہے اور ان کا معائنہ کرتی ہے۔ یہ کام صدارتی محل سے دور دیگر دفاتر میں ہوتا ہے۔

فرانسیسی صدر کو روزانہ ایک ہزار سے ڈیڑھ ہزار خطوط اور ای میلز موصول ہوتی ہیں۔

صدر میکرون اکثر خطوط کا جواب ہاتھ سے تحریر کردہ خط کے ذریعے دیتے ہیں۔