نئی دہلی: بھارتی ریاست ہماچل پردیش میں لینڈسلائیڈنگ کے باعث 10 سے زائد زیر تعمیر عمارتیں منہدم ہوگئی ہیں۔

غیر ملکی خبر رساں ادارے کی رپورٹ کے مطابق بھارتی ریاست ہماچل پردیش کے ضلع کلو میں لینڈ سلائیڈنگ کے باعث 10 سے زائد زیر تعمیر عمارتیں گر گئیں ہیں۔

رپورٹ کے مطابق حادثے میں کوئی جانی نقصان سامنے نہیں آیا جب کہ ضلعی انتظامیہ نے حال ہی میں ان عمارتوں کو غیر محفوظ قرار دے کر خالی کرادیا تھا۔

رپورٹ میں کہا گیا ہے کہ ملبہ میں پھنسے افراد کو فوری طور پر نکالنے کے لیے ایمرجنسی رسپانس ٹیم اور نیشنل ڈیزاسٹر فورس سمیت اسٹیٹ ڈیزاسٹر رسپانس فورس کا عملے علاقے میں روانہ کردیا گیا ہے۔

واضح رہے کہ بھارتی محکمہ موسمیات نے ریاست ہماچل پردیش کے لیے ریڈ الرٹ جاری کیا ہے جس میں انہوں نے اگلے دو روز تک تیز بارشوں کی پیش گوئی کی ہے۔

ہماچل پردیش کے وزیر اعلیٰ سکھ ویندر سنگھ سوکھو کا سماجی رابطے کی سائٹ ایکس پر کہنا تھا کہ انی اور کلو سے جو مناظر سامنے آئے ہیں وہ پریشان کن ہیں۔

Disturbing visuals emerge from Anni, Kullu, depicting a massive commercial building collapsing amidst a devastating landslide.

It's noteworthy that the administration had identified the risk and successfully evacuated the building two days prior. pic.twitter.com/cGAf0pPtGd

— Sukhvinder Singh Sukhu (@SukhuSukhvinder) August 24, 2023

انہوں نے کہا کہ لینڈ سلائیڈنگ کے دوران ایک بڑی تجارتی عمارت منہدم ہوگئی ہے جب کہ انتظامیہ نے خطرے کی نشاندہی کرتے ہوئے دو دن قبل ہی عمارت کو کامیابی سے خالی کروالیا تھا۔

ہماچل پردیش کے سینئر پولیس آفیسر سنجے کوندو کا بھارتی میڈیا سے گفتگو کرتے ہوئے کہنا تھا کہ لینڈ سلائیڈنگ سے قبل ہی احتیاطی تدابیر کے طور پر انخلاء کا عمل مکمل کرلیا گیا تھا جب کہ کوئی جانی نقصان کی اطلاع سامنے نہیں آسکی ہے۔

یاد رہے کہ ریاست کے کئی حصوں میں مسلسل بارشوں کا سلسلہ جاری ہے جس کے باعث رہائشیوں کو شدید مشکلات کا سامنا کرنا پڑ رہا ہے جب کہ موسلا دھار بارشوں کی وجہ سے کلو مندی ہائی وے پر آج سیکڑوں گاڑیاں پھنس کر رہ گئیں۔

حالات حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/08/463637/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/08/463637/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں