عالمی ادارہ صحت نے بھارتی ساختہ کھانسی کے شربت میں زہریلے مادوں کی موجودگی کے بعد الرٹ جاری کردیا ہے۔

عالمی ادارہ صحت نے عراق میں فروخت ہونے والے بھارت کے تیار کردہ کھانسی کے مضر صحت شربت “کولڈ آؤٹ” کے بارے میں عالمی الرٹ جاری کیا ہے۔

رپورٹ کے مطابق شربت میں زہریلے مادوں کی موجودگی کی وجہ سے الرٹ جاری کیا گیا ہے جب کہ شربت کو جب کہ شربت غیر معیاری ہونے کی وجہ سے انسانوں کے لیے غیر محفوظ بھی قرار دیا گیا ہے۔

رپورٹ میں خبردار کرتے ہوئے کہا گیا ہے کہ اس شربت کے استعمال سے خاص طور پر بچوں پرسنگین اثرات مرتب ہوتے ہیں اور موت بھی واقع ہوسکتی ہے۔

واضح رہے کہ عالمی ادارہ صحت کی جانب سے گزشتہ 10 ماہ کے دوران بھارتی دوا ساز کمپنیوں کے خلاف جاری کیا جانے والا یہ پانچواں الرٹ ہے۔

عالمی ادارہ صحت کا کہنا ہے کہ فورٹس لیبارٹریز انڈیا نے کھانسی کے اس شربت کو ڈیبی لائف فارما کے لیے تیار کیا تھا اور اس میں کافی مقدار میں زہریلے اجزاء پائے گئے ہیں۔

انہوں نے کہا کہ عراق کو بھجوائے گئے گھانسی کے اس شربت میں ڈائیتھیلین گلائکول کی مقدار 0.25 فیصد اور ایتھیلین گلائکول کی مقدار 2.1 فیصد تھی جوکہ عالمی ادارہ صحت کی مقرر کردہ 0.10 فیصد کی حد سے کہیں زیاد ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/08/944619/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/08/944619/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں