چینی ہیکرز نے امریکی محکمہ خارجہ کے کئی ای میلز اکاونٹس ہیک کرلیے۔

بین الاقوامی خبررساں ادارے کے مطابق  ایک امریکی  رکن سینیٹ نے بتایا کہ  چینی ہیکرز نےکامرس سیکریٹری کے ای میل  اکاؤنٹ سمیت اسٹیٹ ڈپارٹمنٹ  کے 10 مختلف اکاؤنٹس سے  60 ہزار ای میلز چوری کیں۔

امریکی رکن سینیٹ نے کہا کہ چینی ہیکرز نے یہ حرکت کرکے مائیکروسافٹ کے ای میل پلیٹ فارم کی خلاف ورزی کی۔ ہیکروں نے محکمہ خارجہ کے تمام ای میلز پر مشتمل ایک فہرست بھی چرالی ہے۔

چینی ہیکرز نے مائیکروسافٹ کے انجینئر کی ڈیوائس کو ہیک کیا جس سے انہیں محکمہ خارجہ کے ای میل اکاونٹس تک رسائی ملی۔

امریکی حکام کا کہنا ہے کہ ہمیں اس قسم کے سائبر حملوں اور دخل اندازیوں کے خلاف اپنے دفاع کو مضبوط بنانے کی ضرورت ہے۔

امریکی محکمہ خارجہ اور تجارت کے محکموں میں ای میل اکاؤنٹس کی ہیکنگ کی اطلاع پہلی بار جولائی میں ملی تھی۔

اس وقت امریکی حکومت  اور ہی مائیکروسافٹ کی جانب سے اس حوالے سے کوئی تفصیل سامنے نہیں آئی تھی کہ  ہیکرز نے کتنی ای میلز چوری کی ہیں۔

ہیکنگ کی تفصیلات بدھ کے اوائل میں ایک بین الاقوامی خبر رساں ادارے نے دی تھی۔

خیال رہے کہ واشنگٹن نے باضابطہ طور پر چین پر مداخلت کا الزام نہیں لگایا ہے لیکن بعض امریکی حکام  بشمول کامرس سیکریٹری نے اس کا تعلق  چین سے بتایا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/09/196196/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/09/196196/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں