اسپین کے دارالحکومت میڈرڈ میں وزارت سائنس اینڈ ٹیکنالوجی کی عمارت میں بم کی اطلاع  نے ہلچل مچادی۔

بین الاقوامی خبر رساں ادارے کے مطابق اسپین کے دارالحکومت میڈرڈ میں وزارت سائنس اینڈ ٹیکنالوجی کی عمارت میں بم کی اطلاع ملنے پر پولیس نے فوری طور پر عمارت خالی کروا لی۔

 عمارت کے اندر 150 سے زائد افراد موجود تھے۔

پولیس کو دوپہر ڈھائی بجے اطلاع ملی کہ سینٹر فار ٹیکنالوجی اینڈ ڈویلپمنٹ میں دھماکہ خیز ڈیوائس موجود ہے۔

اطلاع ملنے کے فوری بعد پولیس نے علاقے کو گھیرے میں لے کر اطراف کی سڑکوں کو ٹریفک اور پیدل چلنے والوں  کے لیے بند کردیا۔

عمارت کے اندر سائنس فار پیس اینڈ سیکیورٹی پروگرام پر کانفرنس منعقد ہورہی تھی۔جس میں نیٹوں کے رکن ممالک کے اراکین اور دیگر ممالک کے افراد موجود تھے۔

مقررین میں نیٹو کے ارکان، وزرات دفاع کے جنرل ڈائریکٹوریٹ پروگرامز اور کنٹرول یونٹ کے سربراہ میتھیو سمیت دیگر شخصیات بھی شامل تھیں۔

تاہم سرچ آپریشن کے بعد پولیس نے اپنے بیان میں کہا کہ اطلاع جھوٹی  ہے اور عمارت کو کلیئر قرار دے دیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/09/503070/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/09/503070/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں