بھارت نے جسٹن ٹروڈو کے الزامات کے بعد کینیڈین شہریوں کے لیے ویزا سروس معطل کردی۔

بین الاقوامی خبر رساں ادارے کے مطابق کینیڈا میں بھارتی ویزا خدمات اگلے نوٹس تک معطل کردی گئی ہیں۔

بھارت نے کینیڈین شہریوں کا بھارتی  ویزا معطل کر دیا۔ اس سے براؤن کینیڈین سفید فام کینیڈین  سے زیادہ متاثر ہوں گے۔

 انڈیا ویزا ایپلیکیشن سینٹر کینیڈا کا کہنا ہے کہ آپریشنل وجوہات کی بناء پر، 21 ستمبر 2023 سے بھارتی ویزا سروسز کو اگلے نوٹس تک معطل کر دیا گیا ہے۔

بی ایل ایس انٹرنیشنل کے مطابق دلچسپی رکھنے والے ویزا درخواست دہندگان کو مشورہ دیا گیا ہے کہ وہ اس مسئلے پر مزید اپ ڈیٹس کے لیے بی ایل ایس کی ویب سائٹ چیک کرتے رہیں۔

یاد رہے کہ دو روز قبل کینیڈین وزیر اعظم جسٹن ٹروڈو نے  سکھ رہنما ہرپریت  سنگھ کے  کینیڈا میں قتل میں بھارت کے ملوث ہونے کا شبہ ظاہر کیا تھا۔

جسٹن ٹروڈو نے کہا تھاکہ کینیڈین شہری کے قتل میں کسی دوسری حکومت کا ملوث ہونا ہماری خودمختاری کی خلاف ورزی ہے جس کی اجازت نہیں دی جاسکتی۔

جسٹن ٹروڈو کے اس بیان کے بعد سے دونوں ممالک کےدرمیان سفارتی تعلقات شدید کشیدہ ہوگئے ہیں اور سفارتکاروں کو ملک بدر کردیا گیا ہے۔

واضح رہے کہ جون 2023 میں خالصتانی رہنما ہردیپ سنگھ کو کینیڈا کے صوبے برٹش کولمبیا میں ایک بازار میں قتل کر دیا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/09/683174/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/09/683174/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں