مراکش  میں زلزلے سے مرنے والوں کی تعداد تین ہزار  کے قریب پہنچ گئی۔

بین الاقوامی خبر رساں ادارے کے مطابق  مراکش میں خوفناک زلزلے کو پانچ روز گزر گئے اور   مرنے  والوں کی تعداد 2800 سے تجاوز کر گئی   جبکہ    زخمی افراد کی تعداد 5530 سے زائد ہوگئی۔

 امریکی جیولوجیکل سروے کے مطابق جمعہ کی رات کو مراکش کے جنوب مغربی علاقے میں آنے والے زلزلے کی شدت 6.8 ریکارڈ کی گئی تھی۔

زلزلے کا مرکز مراکش شہر سے 75 کلومیٹر دور اطلس کا پہاڑی سلسلہ تھا اور اس کی زیر زمین گہرائی 18.5 کلو میٹر ریکارڈ کی گئی تھی۔

 زلزلے سے کئی عمارتیں ملبے کا ڈھیر بن گئیں، بجلی اور مواصلات کا نظام بری طرح متاثر ہوا ہے ۔متاثرہ افراد کھلے آسمان تلے رات گزارنے پر مجبور ہیں۔

زلزلے سے یونیسکو کی جانب سے عالمی ثقافتی ورثہ قرار دی گئی تاریخی عمارتوں کو بھی نقصان پہنچا۔

حکام کا کہنا ہے کہ زلزلے کے نتیجے میں کئی عمارتیں زمیں بوس ہو گئیں  اور درجنوں عمارتوں کو جزوی نقصان پہنچا۔متاثرہ علاقوں میں ریسکیو اور ریلیف آپریشن جاری ہے۔

مراکش میں آنے والے  زلزلے کو 1960کے بعد سے اب تک کا سب سے ہلاکت خیز زلزلہ کہا جا رہا ہے۔

اس سے قبل 1960 میں زلزلے سے 12 ہزار افراد ہلاک ہوئے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/09/753937/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/09/753937/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں