چینی حکام کے مطابق سیلاب کے دوران جنوبی چین کے ایک فارم سے درجنوں مگرمچھ فرار ہوگئے ہیں۔

غیر ملکی خبر رساں ادارے کی رپورٹ کے مطابق سمندری طوفان ہائیکوئی کی وجہ سے گوانگ ڈونگ صوبے کے ماؤمنگ میں ایک جھیل بہہ گئی۔

رپورٹ کے مطابق جھیل میں 75 مگر مچھ تھے جن میں سے کچھ مگر مچھوں کو دوبارہ پکڑ لیا گیا ہے لیکن مقامی حکام نے حفاظتی وجوہات کی بنا پر انہیں گولی یا کرنٹ لگاکر ہلاک کردیا۔

چین کے سرکاری میڈیا کا کہنا ہے کہ اب تک آٹھ مگرمچھوں کو پکڑا جاچکا ہے جب کہ فرار ہونے والوں کی تعداد اب بھی درجنوں میں ہے۔

حکام نے آس پاس کے گاؤں والوں کو گھر میں ہی رہنے کی ہدایت جاری کردیں ہیں۔

ماؤمنگ کے ایمرجنسی مینجمنٹ بیورو کے مطابق 69 بالغ اور چھ کم عمر مگرمچھ سیلاب کے بعد سے فرار ہیں تاہم کسی جانی نقصان اطلاع ابھی تک موصول نہیں ہوئی ہے۔

حکام کا دعویٰ ہے کہ مگر مچھ اب بھی گہرے پانی میں موجود ہوسکتے ہیں جب کہ ایمرجنسی سروسز انہیں تلاش کرنے کے لیے سونار آلات کا استعمال کررہی ہے۔

برطانیہ کے چڑیا گھر کروکوڈائل آف دی ورلڈ کے مطابق ان مگرمچھوں کے بارے میں کہا جاتا ہے کہ وہ سیامی مگرمچھ ہیں جو میٹھے پانی کے رینگنے والے جانور کہلاتے ہیں اور ان کی لمبائی تقریباً 3 میٹر یا 10 فٹ تک ہوسکتی ہے۔

فائر فائٹر کے مطابق پکڑے گئے مگرمچھوں کا اوسط وزن تقریباً 75 کلوگرام اور ان کی لمبائی 2 میٹر سے زائد تھی۔

واضح رہے کہ سمندری طوفان ہائیکوئی ایک ہفتے سے زائد عرصے سے جنوبی ایشیا میں تباہی مچارہا ہے اور اس نے چین سمیت ہانگ کانگ، تائیوان اور جاپان کو متاثر کیا ہے جب کہ جنوبی چین میں سمندری طوفان کے بعد سات افراد ہلاک اور تین افراد لاپتہ ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/09/791461/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/09/791461/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں