لیبیا میں طوفان ’ڈینیئل‘ کے بعد شدید بارشوں نے 150 افراد کی جان لے لی۔

غیر ملکی خبر رساں ادارے کی رپورٹ کے مطابق مشرقی لیبیا میں طاقتور طوفان ’ڈینیئل‘ کے بعد شدید بارشوں سے سٹرکیں اور گلیاں ٹوٹ پھوٹ کا شکار ہوگئیں۔

رپورٹ کے مطابق سڑکیں، رہائشی علاقے اور گاڑیاں زیر آب آگئیں جب کہ کئی مقامات پر اسکولز اور کاروباری سرگرمیاں معطل ہوکر رہ گئیں۔

رپورٹ میں کہا گیا ہے کہ لیبیا کی فوج کے 7 اہلکار بھی امدادی کارروائیوں کے دوران لاپتہ ہوگئے ہیں جب کہ مشرقی لیبیا میں حکام نے کرفیو نافذ کرتے ہوئے اسکولوں اور دکانوں کو بند کرنے کا حکم دیا ہے۔

لیبیا کے بن غازی میں مقیم انتظامیہ کے ترجمان محمد مسعود کے مطابق طوفان ’ڈینیئل‘ نے مشرقی شہروں بن غازی اور سوس کے علاوہ درنہ اور المرج کو بھی متاثر کیا ہے جب کہ مغربی شہر مصراتہ بھی سیلاب سے متاثر ہے۔

سوشل میڈٰیا پر کئی ویڈٰیو زیر گردش ہیں جن میں ایک آدمی کو سیلاب میں بہتے ہوئے دیکھا گیا ہے جب کہ دیگر ویڈیوز میں دیکھا جاسکتا ہے کہ کئی لوگ اپنی گاڑیوں کی چھتوں پر پھنسے ہوئے ہیں۔

طوفان کے باعث اسکولوں اور دکانوں کے ساتھ ساتھ تیل کی چار بڑی بندرگاہیں بھی بند ہوگئیں ہیں۔

واضح رہے کہ طوفان ڈینیئل گزشتہ ہفتے یورپی ممالک یونان، ترکیہ اور بلغاریہ سے ٹکرایا تھا جس کے نتیجے میں ایک درجن سے زائد افراد ہلاک ہوگئے تھے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/09/821673/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/09/821673/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں