ایران کا کہنا ہے کہ عراق کرد عسکریت پسندوں کو غیر مسلح کرنے پر متفق ہوگیا ہے۔

بین الاقوامی خبر رساں ادارے کے مطابق  ایران کا کہنا ہے کہ کرد عسکریت پسند گروپوں کو غیر مسلح کرنے اور انہیں دوسری جگہ منتقل کرنے کے حوالے سے عراق اور اس کے درمیان ایک معاہدہ طے پا گیا ہے۔

ایران کی جانب سے کہا گیا کہ اگر عراق نے ستمبر کے وسط تک اس معاہدے کے حوالے سے اپنے وعدے پورے نہیں کیے، تو پھر وہ خود کارروائی کرے گا۔

ایرانی وزارت خارجہ کے ترجمان ناصر کنعانی نے نیوز کانفرنس میں بتایا کہ   معاہدے کے مطابق عراقی حکومت نے 19 ستمبر تک عراق میں سرگرم مسلح دہشت گرد گروہوں کو غیر مسلح کرنے کا عہد کیا ہے۔

انہوں نے کہا کہ مقررہ  تاریخ میں کسی بھی صورت میں کوئی توسیع نہیں کی جائے گی۔ اس ڈیڈ لائن کے بعد بھی اگر عراق اپنے وعدوں کو پورا کرنے میں ناکام رہتا ہے تو ایرانی حکومت ملک کی سلامتی کو یقینی بنانے کے لیے اپنی ذمہ داری سنبھالے گی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/09/877349/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/09/877349/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں