امریکی ریاست نیویارک میں تباہ کن بارشوں سے سیلابی صورتحال پیدا ہوگئی۔

بین الاقوامی خبررساں ادارے کے مطابق شدید بارشوں سے  سیلابی صورتحال پیدا  ہونے کے بعد نیویارک بھر میں  ایمرجنسی نافذ کر دی گئی ہے۔

ریاست نیو یارک میں پچھلے 5 روز سے جاری بارشوں کے بعد نیویارک شہر کے کئی حصوں میں سیلابی صورتحال ہے۔سڑکوں اور پلوں پرسیلابی پانی جمع ہوگیا  ہے جبکہ میٹرو اسٹیشنز میں بھی سیلابی پانی داخل ہو گیا۔

محکمہ موسمیات کے جانب سے نیویارک میں جمعے اور ہفتے کو مزید بارشوں اور سیلابی ریلوں کی وارننگ جاری کی گئی ہے۔

نیویارک کے جان ایف کینیڈی ایئرپورٹ پر ابھی سے 3 انچ پانی کھڑا ہو گیا ہے۔ دن کے اختتام تک شہر میں8 انچ پانی کھڑا ہونے کی پیش گوئی  کی گئی ہے۔

مسلسل بارش کے باعث پانی کھڑا ہونے کی وجہ سے سڑکیں تالاب کا منظر پیش کر رہی ہیں اور نظام زندگی بری طرح متاثر ہے۔

نیو یارک سٹی کے میئر ایرک ایڈمز  کا کہنا ہے کہ   یہ ایک خطرناک موسمی حالت ہے اور یہ ختم ا بھی نہیں  ہوئی ہے۔

سینیٹ  میں اکثریت رکھنے والے رہنما اور نیویارک کے سینئر سینیٹر چک شومر نے  کہا کہ نیویارک کو ان حالات سے نکلنے  کے لیے وفاقی مدد حاصل  کرنی ہوگی۔

انہوں نے کہا کہ  ہم نیویارک کے لیے وفاقی مدد حاصل کرنے کے لیے کام کرنے جا رہے ہیں۔

دوسری جانب نیو جرسی کے گورنر نے بھی ہنگامی حالت کا اعلان کر دیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/09/887966/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/09/887966/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں