فلسطینیوں پر اسرائیلی درندوں کے وحشیانہ ظلم و بربریت پر پوری دنیا سراپا احتجاج ہے۔

تفصیلات کے مطابق  اسرائیل کی فلسطین پر کھلی جارحیت جاری ہے  جس میں غزہ کے نہتے مسلمانوں کا قتل عام اور نسل کشی  کی جارہی ہے۔

امریکہ اور یورپین حکمران قابض، قاتل اور جنگی جرائم کے مرتکب اسرائیل جبکہ ان کی عوام  مظلوم فلسطینیوں  کے ساتھ کھڑی ہے۔

امریکہ، برطانیہ، فرانس، جرمنی، یورپی  یونین کے دل بیلجیم ، ہالینڈ، آئرلینڈ، اسکاٹ لینڈ،ا سپین، اٹلی اور آسٹریلیا میں اسرائیل کے خلاف مظاہرے جاری ہیں۔

مغربی ممالک مظاہرین کے اسرائیل دہشتگرد، فلسطین آزاد کرو، ظلم اور قتل عام بند کرو کے نعروں سے گونج اٹھے۔

دوسری جانب خاموش، سہمی اور خوف میں مبتلا مسلم دنیا کے بہادر شہری  بھی اپنے حکمرانوں کو جھنجھوڑنے میں مصروف ہیں۔

اردن، قطر، بحرین، انڈونیشیاء، بنگلہ دیش اور دیگر ممالک میں مظاہرین   نے اسرائیل مردہ باد اور فسلطین زندہ باد کے نعرے لگائے۔

جاپان  نے  بھی  غزہ کے شہریوں کی مدد کے لیے ایک کروڑ ڈالرز امداد فراہم  کرنے کا اعلان کیا ہے۔

واضح رہے کہ   غزہ پر اسرائیل کی وحشیانہ بمباری جاری ہے جس میں ایک ہزار سے زائد بچوں سمیت 2808 فلسطینی شہید ہوگئے جبکہ   زخمیوں کی تعداد 10859 تک پہنچ گئی ہے۔

اسرائیلی فوج کی جانب سے 250 نہتے فلسطینیوں کو دھوکے سے قتل کرنے کے مناظر نے دنیا کو ہلا کر رکھ دیا ہے۔

اسرائیلی فوج نے غزہ کے 11 لاکھ لوگوں کو  محفوظ راستہ فراہم کرنے کا جھوٹا اعلان کرکے نقل مکانی کرنے کا کہا اور پھر ان ہی پربمباری کردی۔

فلسطین میں بڑی تعداد میں شہادتوں کے بعد  میتیں رکھنے  کے لیے اسپتالوں کے مردہ خانوں میں جگہ کم پڑ گئی اور شہداء کی میتوں کو آئس کریم ٹرکوں اور ریفریجریٹر گاڑیوں میں رکھا جانے لگا ہے۔

مردہ خانوں میں جگہ کم پڑنے کے بعد قبرستانوں میں بھی جگہ کم پڑگئی ہے اور کئی میتوں کو ایک ساتھ دفنایا جارہا ہے۔

اسرائیل افواج کی جانب سے مسلسل رہائشی عمارتوں، اسپتالوں اور اسکولوں کو بمباری کا نشانہ  بنایا جارہا ہے۔

اقوام متحدہ  کے ادارہ برائے انسانی امور کی جانب سے جاری بیان میں کہا گیا کہ   غزہ میں 3 لاکھ 38 ہزار سے زائد لوگ بے گھر ہو چکے ہیں جبکہ ڈھائی ہزار سے زیادہ مکانات کو شدید نقصان پہنچا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/188745/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/188745/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں