فرانسیسی اسپائیڈر مین فلسطینی عوام کے حق میں امن کا پیغام لیے ٹاور پر چڑھ گیا۔

بین الاقوامی خبررساں ادارے کے مطابق فرانسیسی کوہ پیما ایلین رابرٹ جنہیں اسپائیڈرمین کے نام سے جانا جاتا ہے، وہ پیرس میں ٹور ہیکلا فلک بوس عمارت پر چڑھ گیا۔

فرانسیسی دارالحکومت پیرس میں 48 منزلہ فلک بوس عمارت پر چڑھنے والے ایلین رابرٹ نے کہا کہ اسرائیل اور فلسطین کے درمیان امن کی فوری ضرورت ہے۔

انہوں نے کہا کہ آج میں امن کی حمایت کے لیے عمارت پر چڑھ رہا ہوں، کوشش کر رہا ہوں کسی ایک فریق کا ساتھ نہ دوں، میں صرف فریقین کے درمیان امن کا خواہش مند ہوں۔

ایلین رابرٹ نے عالمی رہنماؤں سے مطالبہ کیا کہ وہ میز پر بیٹھ کر امن معاہدوں پر بات کریں۔

واضح رہے کہ غزہ پر اسرائیل کی وحشیانہ بمباری جاری ہے جس میں 1873 بچوں اور 1023 خواتین سمیت 4651 فلسطینی شہید ہوگئے جبکہ زخمیوں کی تعداد 14 ہزار سے تجاوز کر گئی ہے۔

فلسطینی وزیر اطلاعات کے مطابق گزشتہ 24 گھنٹوں کے دوران شدید بمباری سے 400 فلسطینی شہید ہوئے۔

فلسطینی میڈیا  نے اسرائیلی بربریت کو اب تک کی بدترین بمباری قرار دے دیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/world/2023/10/306824/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/world/2023/10/306824/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں